چالاکیی هۆشیاری دەربارەی شێرپەنجەی مەمک

تقرير الفعالية

لە چوارچێوەی چالاکییە تەندروستییەکانی ڕێکخراوی زاد – لقی کەرکووک، چالاکییەکی هۆشیاری لە مزگەوتی ئاشتی بۆ بەشی ژنان بەڕێوە چوو کە تایبەت بوو بە بەرزکردنەوەی ئاستی هۆشیاری سەبارەت بە شێرپەنجەی مەمک.

لە ماوەی ئەم چالاکییەدا، گرنگی دۆزینەوەی زوو، هۆکارەکانی تووشبوون، ڕێگەکانی پاراستن و، گرنگی پشکنینی بەردەوام بۆ پاراستنی تەندروستیی ژنان باس کرا، هەروەها زانیاری و ڕێنمایی تەندروستی پێشکەش بە بەشداربووان کرا.

ئەم چالاکییە بە هاوکاری و پشتیوانی مزگەوتی ئاشتی بە سەرکەوتوویی ئەنجام درا و جێگای سوپاسە بۆ هەموو ئەوانەی بەشدارییان کرد و هاوکارییان کرد بۆ سەرکەوتنی ئەم چالاکییە.

ڕێکخراوی زاد – لقی کەرکووک
بەرەو کۆمەڵگەیەکی هوشیارتر و ئاسودەتر